Ürümqi

Ürümqi (Oeigoers: ئۈرۈمچى, [ʏrʏmˈtʃi]; Chinees: 乌鲁木齐, Pinyin: Wūlǔmùqí; Mongools: Үлэмжийн Хот / ᠦᠯᠡᠮᠴᠢ ᠢᠨ ᠬᠣᠲᠠ) is die hoofstad en grootste stad van die Chinese outonome gebied Xinjiang met 'n bevolking van 3 110 280 in 2010. Sowat 75% van die bevolking is Han-Chinese, gevolg deur 12,5% Oeigoere en 9% Hui-Chinese.

Ürümqi se naam in Oeigoers

Ürümqi se naam in Chinees

Ürümqi
Stad
Ürümqi Ligging in die Volksrepubliek China
Koördinate: 43°49′30″N 87°36′00″O
Land	Volksrepubliek China
Outonome gebied	Xinjiang
Regering
• Burgemeester	Zhu Hailun
• Kommunistiese Party van China Sekretariskomitee	Jerla Isamudin (吉尔拉·衣沙木丁 / جەرۇللاھ ھېسامىدىن)
Oppervlak
• Stad	10 989 km2 (4 243 vk. myl)
• Stedelik	828 km2 (320 vk. myl)
• Metro	4 422 km2 (1 707 vk. myl)
Bevolking
• Stad	3 110 280
• Digtheid	280/km2 (730/vk. myl)
• Stedelik	2 744 280
• Stedelike digtheid	620/km2 (1 600/vk. myl)
• Metro	2 302 146
• Metrodigtheid	2 800/km2 (7 200/vk. myl)
Tydsone	UTC+08:00 (SST)
Poskode	830000
Skakelkodes	991
Webwerf	urumqi.gov.cn

Die stad is geleë in die noordweste van die Volksrepubliek China, suidoos van Kasakstan en suidwes van Mongolië. Die stad grens in die suide aan die Tiensjan-gebergte. Ürümqi is dié stad – met 'n bevolking van meer as een miljoen – wat die verste van 'n oseaan of seë afgeleë is. Dit is die belangrikste stad van die streek Dsjoengarye en die grootste stad van Sentraal-Asië.

Die naam van die stad word uitgespreek as uruumtsjié en beteken "pragtige weiding" in Mongools.[1] Ürümqi was tydens die Tang-dinastie 'n belangrike stad aan die syroete en tydens die Qing-dinastie 'n belangrike kulturele en kommersiële sentrum. Die stad is nou die grootste stad in die weste van die Volksrepubliek China. Dit het tydens die 1990's 'n sterk ekonomiese groei ervaar en vorm 'n plaaslike vervoerknooppunt asook kulturele en kommersiële sentrum. Die spoorlyn tussen Almati en Beijing loop deur Ürümqi.