Áed

Áed (volle naam: Áed mac Cináeda; omstreeks 840-878) was ’n seun van Kenneth MacAlpin. Hy het in 877 koning van Skotland geword toe hy sy broer Konstantyn I opvolg. Sy bynaam was "Wit Blom" of "Wit Voet".

Áed
Koning van Skotland
Dinastie Huis van Alpin
Bewind 877–878
Volle naam Áed mac Cináeda
Gebore Omstreeks 840
Gesterf 878
Skotland
Iona
Voorganger Konstantyn I
Opvolger Giric
Vader Kenneth I

Bronne

Baie min is oor Áed bekend. Volgens die Kronieke van die Konings van Alba was hy ’n jaar lank koning waarin niks merkwaardigs gebeur het nie en is hy by Nrurim verslaan. Nrurim word egter nie geïdentifiseer nie.

In Andrew van Wyntoun se Orygynale Cronykil of Scotland word ’n effens langer weergawe van Áed se bewind aangetref. Daarvolgens is hy ná ’n bewind van ’n jaar deur sy opvolger, Giric, in Strathallan vermoor. Ander koningslyste is van dieselfde mening.

Áed se seun Konstantyn II het in 900 koning geword. Die idee dat Donald II van Strathclyde ’n seun van hom was, geskoei op ’n verwarrende inskrywing in die Kronieke van die Konings van Alba, word betwis.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.